Nagadihon na sa karun sang tikang ang pamunuan sang Central Negros Electric Cooperative (CENECO) agud nga masolusyunan ang mga problema kaangay sang kakulang sang mga trouble shooters.
Sa interview sang Bombo Radyo Bacolod kay Atty Arnel Lapore, plano sini sa karun nga talakayon sa meeting nila sa Lunes ang pagdugang sang mga trouble shooters.
Suno kay Lapore, kinahanglan nga madugangan ang mga trouble shooters kag dapat malapit lamang sa mga lugar nga nagkaproblema agud nga mas madasig ang pagresponde kag pagkay-o.
Samtang, gin-athag man sini nga ang mga nagaluntad nga pagbrown out sa ciudad sang Bago ang bangud sa mga manual load dropping sang National Grid Corporation of the Philippines bangud sa maninit nga supply sang kuryente.
Suno diri, masami nga ginabasol sang mga konsumidor ang CENECO bisan kun kaisa ang rason sang pagbrown out ang bangud sa generation lines.
