BACOLOD CITY — Magasambuwa karun sa gab-i ang Ceres Negros Football Club kag Kaya Football Club Makati bilang kabahin sang Philippine Football League ukon PFL 2017.
Ang PFL 2017 ang qualifying match para sa Asian Football Confederation (AFC) Cup 2018.
Ginpahayag sang coach sang Kaya FC Makati nga 100 porciento nga ila ihatag ang ila masarangan kag excited naman nga maghampang ang Negrense player sini nga si Jason Panhay nga taga ciudad sang San Carlos.
Desidido nga magbawi ang Kaya FC bangud nga draw sila sang Ceres Negros sa ulihi nila nga sambuwa.
Excited man ang Ceres Negros FC bangud ila ginalauman nga dugukan naman sang linibo ka tumalan-aw ang hampang karun sa gab-i sa ila mismo nga homecourt.
Las 7:00 karun sa gab-i patigayunon ang match-up sa Panaad Park and Stadium.