Ginmando ni Police Regional Office – Negros Island Region (PRO-NIR) Acting Director Romano Cardiño sa Bacolod City Police Office (BCPO) kag iban pa nga operating units nga pasanyugon pa ang intelligence monitoring kag investigative efforts angot sa hold-up incident sa GV Street, Brgy 19, Bacolod City sang Mayo 28, 2026.
Suno kay Cardiño, matapos mahibaluan ang insidente, ginmando sini ang gilayon nga pagpatigayon sang focused intelligence operations, kalakip ang pagtumod sa identity sang mga suspect, validation sang mga impormasyon gikan sa intelligence sources, kag ang agresibo nga pagsunod sa tanan nga lead tubtob nga matigayon ang pag-aresto.
Bilang pagsunod sa derektiba, ginpasanyog man sang intelligence operatives ang information-gathering activities, backtracking operations, kag CCTV footage analysis agud nga matrace ang hulag sang mga suspect antes kag matapos sang krimen.
Ang mga deskripsyon kag mga suspect, kag ang motorsiklo nga gingamit ang napalapta naman sa mga police units kag intelligence personnel sa rehiyon para sa monitoring kag validation.
Nagapabilin ang commitment sang PRO-NIR sa pagsunod sa tanan nga leads sa pagtumod sang identities sang mga suspect agud sila ang mapapanabat sa layi.
Ginpasalig man sang Regional Director sa publiko nga magapadayun ang law enforcement efforts tubtob nga madakpan ang mga suspect.
Mensahe ni Cardiño sa komunidad nga mangin vigilante kag magkooperar sa otoridad paagi sa pagreport sang bisan ano nga impormasyon nga makabulig sa pagtumod kag pag-aresto sa mga hold-upper.
