Gin-endorso na sang Philippine Statistics Authority (PSA) sa Office of the Solicitor General (OSG) ang kanselasyon sang certificate of live birth ni suspended Bamban, Tarlac mayor Alice Guo.
Sa Senate investigation nga ginpatigayon kahapon, ginpahayag ni PSA Assistant National Statistician Marizza Grande nga wala sang gahom sang PSA nga ikanselar ang certificate of live birth kun matukiban sini nga “irregular” ang proseso sang registration.
Suno kay Grande, ang imbestigasyon nga ginpatigayon sang Fraud and Management Division sang ahensya santo sa koordinasyon kaupod ang Tarlac Local Civil Registry Office, ang nakatukib nga isa ka negatibo nga certification nagikan sa sadto National Statistics Office (NSO) ang nagaisahanon lamang nga ginpasa nga dokumento para sa delayed registration of birth ni Guo kag sang utod sini nga si Shiela.
Suno pa diri, ang negative certification nagikan sa NSO ang gin-issue sang ang certificate of live birth ni Guo kag sang iya utod ang napreparar na.// Kun makanselar ang COLB ni Guo, makonsiderar nga “floating” ang identity sang alkalde.
Suno naman kay Hontiveros, ang kanselasyon sang COLB ni Guo ang makaangkon sang isa ka seryoso nga implikasyon.
