Dismayado ang chairperson sa Committee on Local Market and Slaugtherhouse sa Sangguniang Panlungsod sang Bacolod sa negatibo nga resulta sang piniliay kun padayunon ang reconstruction sang Burgos Public Marker.
Nahibaluan nga ang botohay ang nagresulta sa 237 nga nagboto sang NO samtang 34 lamang ang YES, sa pagpahanugot sa reconstruction sang merkado sa budget nga P525 million.
Sa interview kay Councilor Celia Flor, maathag ang instruction ni Bacolod City Mayor Alfredo “Albee” Benitez nga seguruhon anay ang willingness sang mga market vendor antes ipatuman ang construction.
Apang kun indi luyag sang mga market vendors, mahimo nga magapangita nalang sila sang lain nga merkado nga bubu-an sang pondo.
Paathag ni Flor nga ginpalab-ot man sang mga vendors ang ila nga kahangawa, kag ini ang ginhatagan man sang solusyon.
Kaangay sa masayluhan, bangod sila ang naangkon sang kabudlayan sang ginpatigayon ang renovation sang tinalikdan.
Apang suno sa konsehal gintalana na ang Hilado kag Ramos Street nga amo ang plastaran, kun sa diin ini ang saraduhan, butangan sang seguridad kag CCTV, may ventilation, kag ginpakamaayo pa sang alkalde nga ini ang rent-free.
Ginpasalig naman nila nga magapabilin ang pwesto sang mga market vendors kag indi maapektuhan ang space sa iconstruct nga merkado kag ini ang airconditioned pa nga ginakalipay naman sang mga vegetable vendors.
Dugang pa sini nga indi man magasaka ang bill sang kuryente bangod solar powered ang merkado samtang wala naman ini sang bag-uhon sa market ordinance gani wala man sang pagsaka sa renta.
Paathag sini nga apisar isa ka tuig kag tunga ang timeline sang construction ini ang tungaon man sa kada section, gani makadali lamang ang ila nga pagsaylo sa temporaryo nga pwesto.
Apang tinguhaan pa sang konsehal kun ano naman ang panan-awan sang mga pumuluyo sa baylo nga ang desisyon ang isalig lamang sa mga market vendors.
Panindugan sini nga ang development ang kabahin sa promisa sang pagsanyog sang ciudad padulong sa status nga Super City.
