P1 million ang nagahulat nga premyo sa team nga magachampion sa street and arena dance competition sang MassKara Festival subong nga tuig nga patigayunon sa Oktubre 23.
As of September 22, 17 ka mga barangay ang nagkumpirmar nga makigbahin sa kompetisyon lakip naman ang defending champion nga Barangay Estefania.
Suno kay Bacolod City Councilor Jason Villarosa, chairperson sang committee on tourism sa Sangguniang Panlungsod, ang festival organizer nga Bacolod Yuhom Foundation Inc. ang magahatag sang P500,000 nga financial assistance sa kada participating barangay.
Subong nga tuig, ang arena competition ang patigayunon sa Paglaum Sports Complex sa baylo nga sa Bacolod Public Plaza.
Ang grand champion sa Electric MassKara float and dance-off competition nga patigayunon sa The Upper East sang Megaworld kag Bacolod City Government Center ang magabaton sang cash prize nga P500,000.
Suno kay Villarosa, ang 15 ka participating barangay ang magabaton sang cash assistance nga P200,000.
Suno sa konsehal, ginafinalize pa ang premyo para sa mga runner-up.
