Duna na sa tawo, nga halos indi pagbuy-an ang pinalangga nga ginbawian sang kabuhi.
Apang may mga tion, nga ang nasambitan nga sahi sang pagpalangga, ang makita man sa mga sapat.
Madamo sang mga animal lovers ang natandog ang tagipusuon sa natabo sa chimpanzee nga si “Natalia” nga sa sulod sang pito ka bulan nagapabilin nga ginakongkong kag ginahakos ang iya bag-ong bun-ag nga bata bisan ini ang wala na sang kabuhi.
Si Natalia nagbun-ag sang isa ka bata sang nagligad nga Pebrero sa Bioparc Valencia, nga isa ka zoo sa Spain.
Apang duha lang ka semana matapos magbun-ag, ang lapsag nga chimpanzee nagtaliwan.
Bisan patay na ang lapsag nga chimpanzee, wala gihapon ginbuy-an ni Natalia ang bangkay sang iya bata.
Sa sulod sang pila ka bulan, ginkongkong niya ini gihapon kag ginhakos–tubtob nga ini ang mangin kalansay na.
Sini nga Oktubre, ginpahayag sang tagdumalahan sang zoo nga kaangay nga nabaton na si Natalia ang natabo sa iya bata.
Mahinalungon nga ginbutang ni Natalia ang bangkay sang iya anak nga babayi sa hilamonan kag ini ang dalayon na nga ginbayaan
Didto na kag ginhimos sang mga nagabantay sa zoo ang kalansay agud mahatagan sang nagakaigo nga paglubong.
