Nadetect sang Philippine Coast Guard ang presensya sang China Coast Guard vessels sa vicinity sang Bajo de Masinloc ukon Scarborough Shoal sa West Philippine Sea.
Suno kay PCG spokesperson for the West Philippine Sea Commodore Jay Tarriela, nadetect sang ahensya ang presensya sang tatlo ka mga Chinese Coast Guard vessels sa vicinity sang Bajo de Masinloc, lakip na ang CCG 5901, ang pinakadako nga coast guard ship sa kalibutan kag mas kilala nga “monster ship.”
Ang detection ang natabo samtang aktibo nga ginahangkat sang BRP Teresa Magbanua ang Chinese Coast Guard vessels sang baybayon sang Zambales.
Suno kay Tarriela, ang PCG ang committed sa pagsiguro sang kaluwasan sang mga manugpangisda kag pagsafe guard sang maritime jurisdiction, pagpatuman sang international law kag pagpugong sang escalation sang tensions.
Ginaclaim sang Beijing ang baybayon sa palibot sang Scarborough Shoal – isa ka chain sang reefs nga ginaclaim sini nagikan sa Pilipinas sang 2012.
