Nalakip ang chairman sang Florete Group of Companies nga si Dr. Rogelio M. Florete sa 35 ka mga negosyante sa Visayas nga pasidunggan karun sa gab-i kadungan sa ulihi nga adlaw sang 35th Visayas Area Business Conference sa Bacolod City.
Sa interview sang Bombo Radyo Bacolod kay Mr. Frank Carbon, chief executive officer sang Metro Bacolod Chamber of Commerce and Industry (MBCCI), pasidunggan si Dr. Florete bangod sa negosyo sini nga FloWater sa Iloilo.
Suno kay Carbon, ginakilala nila ang mga negosyante nga naga-invest sa tatlo ka public utilities kaangay sang fuel ukon energy, power ukon electricity, kag tubig.
Pahayag sini nga naga-isahanon lamang si Dr Florete sa mga awardees nga nag-invest sa tubig sa Visayas.
Ginadayaw man sini ang vision ni Dr. Florete nga kinahanglan sang pumuluyo ang potable water supply, gani siya ang nag-invest sa FloWater.
Nanawagan man ini kay Dr. Florete nga magbulig agud masolusyonan ang problema sa tubig sa ciudad sang Bacolod.
Ang Florete Group of Companies ang parent organization sang Bombo Radyo Philippines, the number one and most trusted source of news and information sa bilog nga pungsod.
Nalakip man sa Florete Group of Companies ang Star FM, Queen City Development Bank, R. Florete Pawnshop and Jewelry, Inc., Plazuela de Iloilo, Florete Land, Inc. kag FloWater Resources (Iloilo), Inc.
Ang 35th Visayas Area Business Conference ang nagsugod sang Mayo 13, kag magatakop karun sa gab-i, kun sa diin major priority ang food security and agriculture, fuel and logistics, kag food and industry.
