Gin-ako sang China ang ginapatigayon nga joint military kag naval drill kaupod ang Russia sa southern part sang ginapahayag nga Joint Sea-2024.
Sa ginpagwa nga statement sang Chinese Defense Ministry, gin-umpisahan sang duha ka pungsod ang military drill sadtong ‘early July’ kag magadugay tubtob sa tunga tunga sang subong nga bulan.
Dako nga bahin sang nasambit nga drill ang ginpatigayon sa kadagatan kag kahawaan sang Zhanjiang City, sa nakatungdan sang Guangdong province kun sa diin ginpakita sang duha ka pungsod ang kapasidad sa sabat sang mga pamahog sa kadagatan.
Ginpakita man diri ang ikasarang sang duha ka pungsod nga magakaupod nga ipabilin ang global kag regional peace and stability.
Suno pa sa nasambit nga ministro, ang military drill ang ginpatigayon kasunod sang tuogan nga plano sang China kag Russia nga may yara sang military engagement.
Nalakip sa nasambit nga drill ang pag-abot kag pagtipon sang mga missile destroyers, guided missile frigates, suppliers, kag iban pa nga military equipment sa Southern coast sang China.
Gin-anunsyar ini sang China, kasunod man sang natabi nga paghinun-anon sa tunga sang mga lider sang National Atlantic Treaty Organization (NATO) sa Washington, kun sa diin, liwat nga ginpabakod sang mga miyembro nga pungsod nila sa Ukraine.
Sa nasambit nga paghinun-anon, nagpagwa man ang NATO ng isang statement kun sa diin ginatawag sini ang China bilang ‘decisive enabler’ sa ginpatigayon nga paglusob sang Russia sa Ukraine.
Ang nasambit nga military drill ang kadungan naman sang nauna nga nagumpisa nga drill sa tunga sang China kag Belarus,nga isa man nga kaalyado sang Russia.
