Nagdeklarar sang Cholera outbreak sa Brgy. Guinhalaran, Silay City matapos napatay ang 88 anyos nga babayi sang Domingo sa provincial ospital sa syudad bangud sa cholera.
Sa interview sang Bombo Radyo Bacolod kay Mayor Joedith Gallego, may yara na sang isa ka 88 anyos nga babayi nga napatay sa Teresita Lopez Jalandoni Provincial Hospital (TLJPH) apang lain ang nakasaad nga cause of death sini sa death certificate bangud ulihi na nagwa ang laboratory result nga positibo ini sa Cholera.
Ginmanduan man ni Gallego ang city health officer sang Silay City Health Office nga tsekyaron ang tubig nga ginagamit sang 88 anyos nga biktima.
Nagman man ang alkalde nga tsekyaron man ang tanan nga mga water refilling stations sa syudad bilang precautionary measures sang syudad sa balatian.
Santo sa pagsulundan sang Department of Health mahimo nga magdeklarar sang outbreak ang isa ka local government unit bisan isa lamang ang kaso sang cholera kung sa sulod sa tatlo ka tuig wala sang kaso sang nasambit nga balatian ang local government unit.
