Sa tunga sang madinuagon nga crowd bangud sa mga ginabayaw nga mga hayahay sang tagsa ka mga pungsod nga naghampang sa Olympics kasubong man sang pagtukar sang national anthem sa tagsa nagdaog sang bulawan nga medalya, ang Olympic Games ang napuno man sang mga palamangkutanon nga may kaangtanan sa nationality.
Sang nagdaog ang boxer nga si Cindy Ngamba sang bronze medal matapos nga malutos si Davina Michel, wala ini nangin extraordinary moment, magluwas nalang sa ginauyatan sini nga Refugee Olympic Team crest samtang nagaselebrar sang maragtason nga kadalag-an bilang pinakauna nga medal winning athlete sa women’s middleweight quarterfinal kag nakakuha sang slot sa podium.
Si Ngamba ang ginbun-ag sa Cameroon kag nagsaylo sa United Kingdom sa edad nga onse anyos kun sa diin siya ang nagtraining apang ini ang nangin tiglawas sang Refugee Olympic Team nga nagapasugot sa mga refugee athlete nga maghampang humalin sang 2016.
Nag-umpisa sa paghampang sang boxing sa edad nga 15 kun sa diin nagpanguna siya sa ranking sa nasambit nga age group tubtob nga nangin isa ka world-class prospect kag ini ang naggwa na sa matuod sini nga color bilang isa ka miyembro sang federasyon sang ini ang nagaedad sang 18 anyos apang indi naman ini mahimo makabalik sa Cameroon bangud mahimo ini mapriso bangud ginadumilian ang homosexuality sa nasambit nga pungsod.
