Nagpasalig ang punong barangay sang Barangay Tapi, Kabankalan City, Negros Occidental nga buligan sang mga ini ang mga biktima sang pagpanglabo sang padre de pamilya nga nag-utas man sang kabuhi nga ginapahayag may nervous breakdown.
Madumduman nga ginlabo ni Eumil Francisco ang iya nga asawa kag ang mga kabataan nga nagaedad sang isa ka tuig, tatlo, anom kag siyam ka tuig, samtang ang 13 anyos naman sini nga bata ang nakakita sa pag-utas sang kabuhi sang amay.
Sa interview sang Bombo Radyo Bacolod kay Punong Barangay Giovanni Ibanez, may yara sang mabulig ang barangay sa napatay samtang ang ciudad sang Kabankalan ang may yara sang ginpain nga pondo nga mahimo makabulig sa biktima nga yara sa ospital.
Suno kay Ibanez, wala man sang record ang pamilya sa barangay kag isolated man ang natabo.
Suno sa Punong Barangay, may diperensya sa paminsaron ang amay nga si Eumil Francisco nga naglabo sa iya asawa kag apat ka mga kabataan.
Ginpahayag man sini nga nag-umpisa lamang nga nagbatyag ini sang nervous breakdown sang ini ang may ginlabo sang may tagob nga binangon gani wala napilasan ang biktima.
Ginalantaw man nga gindakop ini sang nerbyos matapos nga ginserbehan sang warrant of arrest.
Wala man ginhatagan sang pagtamod sang pamilya bangud ini ang maayo man kun kaisa.
Suno diri, sa tion nga mag-abot ang bangkay sa balay sang mga nalisdan, ang barangay ang magapadala man sang team agud nga mabuligan ang mga ini sang ila kinahanglan bangud indi man lipod nga pigado ang pamilya.
