Gin-athag sang City Legal Officer nga nagrequest ang probinsya sang pag-clear sa alagyan padulong sa Panaad Park and Stadium.
Sang Lunes, nagluntad ang argumento sa tunga sang Bacolod City Legal Enforcement Unit kag Punong Barangay sang Barangay Alijis kasunod sang clearing operation nga ginpatigayon sa Dona Carmen Avenue, barangay Alijis, Bacolod City.
Sa interview sang Bombo Radyo kay City Legal Officer Atty. Romeo Carlos Ting Jr. ang dalan ang para sa tawo, kag para sa pagselebrar sang Panaad sa Negros Festival, nagrequest ang province nga i-clear ang dalan agud malikawan ang traffic.
Suno diri, may yara sang koordinasyon sa tunga sang province kag barangay, kag posible nga nalipat lamang si Punong Barangay Deogracias “Donnie” Dela Vega, sang Barangay Alijis nga mamensyunar sa meeting nga may ibutang sila nga kiosko.
Sa karun, ginpa-isol na lamang ang mga canopy kag ang iban nga baligya ginbutang na lamang sa sulod sang gym, samtang may yara man sang ginbutang sa Panaad Park and Stadium.
