Ginalantaw nga mahimo may clog ukon bara sa crater sang Bulkan Kanlaon rasun kun ngaa ini ang hinali nga naglupok kahapon.
Sa interview sang Bombo Radyo Bacolod kay Pearly Sianson, Science Research Specialist sang Philippine Institute of Volcanology and Seismology (PHIVOLCS) Kanlaon Volcano Observatory, humalin sang moderate explosive eruption kahapon, wala na sang namonitor nga aktibidad sa Bulkan.
Nagapabilin gihapon sa Alert Level 2 ang Bulkan Kanlaon, gani yara gihapon sa 4 km Permanent Danger Zone ang ginadumilian nga estaran.
Pahayag sini nga mas mabaskog ang eruption sang nakaligad nga Disyembre.
Suno kay Sianson, sa ila nga record sang nakaligad nga mga inadlaw, manubo ang sulfur dioxide emission sang bulkan nga nagapatimaan nga ini ang barado kag indi makasungaw.
Mahimo nga nagsaka ang pressure sa sulod, gani natabo ang hinali nga paglupok kahapon.
May nakita naman nga ground deformation sa lawas sang Bulkan.
Bangod nagapabilin sa Alert Level 2 ang status sang bulkan, nagapabilin ang posibilid nga may magluntad pa nga light to moderate explosive eruptions ukon ash emission.
Nahibaluan nga 41 ka Barangays ang na-apektuhan sang light ashfall gikan sa anom ka mga banwa kag ciudad sa Negros Occidental.
