May yara naman sang wala ginbaton nga Certificate of Candidacy bangod nga wala sang authorization letter.
Kaina sang udto nagpadulong sa receiving area sang COMELEC Office sa provincial capitol ang isa ka representante sang kandidato nga luyag magpapili sa posisyon bilang gobernador sang probinsya sang Negros Occidental.
Bitbit sang mangunguma nga si Alicia Cusay Babiera sang banwa sang Candoni ang filled up form sang COC ni Ferdinand ‘Bongbong Gorilla’ Etabag Diego sang Purok Rose, Brgy East, banwa sang Candoni.
Wala naman ginbaton sang COMELEC ang COC bangod nga wala sang authority letter si Babiera.
Suno kay Babiera, wala man ini sang may nakita sa online nga nagakinahanglan pa sang authorization letter ang pagpasa sang COC.
Siya ang gin-abisohan nga mas maayo nga personal nga magpadulong sa COMELEC si Ferdinand ukon maghatag ini sang authorization sa iya representative.
Si Ferdinand ang miyembro sang Mangungumang Masinanyugon (MAMA) nga isa ka asosasyon sang mga mangunguma sa banwa sang Candoni.
Suno diri, ginapakigbato ni Ferdinand ang mga mangunguma sa kabukiran.
