Indi pabor ang Commission on Elections sa pagpatigayon sang “Oplan Katok” sa election season.
Ginpahayag ni Comelec Chairman George Erwin Garcia nga ang tikang ang posible magluntad sa pagpang-abuso kag bayolasyon sang kinamatarong.
Suno kay Garcia, may yara sang right to privacy kun sa diin kun tuktukon lamang kag may pagpamahog nga ma-search nga wala sang search warrant ukon maaresto nga wala sang warrant of arrest, makabig ini nga paglapas sang Konstitusyon.
Suno diri, indi dapat paghimuon nga rason ang Eleksyon ukon ang pagpreparar para sa Eleksyon agud mabayolar ang kinamatarong sang mga pumuluyo.
Ang Oplan Katok ang isa ka inisyatibo sang Philippine National Police kun sa diin ang mga miyembro sang kapulisan ang nagapatigayon sang house visitations agud abisuhan ang mga nagapanag-iya sang armas luthang nga may expired nga mga lisensya nga mag-apply para sa renewal kag engganyuhon ang mga ini nga isungka ang ila indi lisensyado nga mga firearms para sa “safekeeping” purposes.
