Ginpirmahan na sang Commission on Election kag Office of Civil Defense ang Memorandum of Agreement para sa pagseguro nga madayun ang eleksyon sa mga lugar nga apektado sang kalamidad.
Kaina sang aga, nagpadulong si Comelec Chairman George Erwin Garcia, kag yara man si OCD Administrator Undersecretary Ariel Nepomuceno sa pagbisita sa mga evacuees sang Bulkan Kanlaon sa La Carlota City.
Ginpatigayon man ang testing sang mga Automated Counting Machines kag ginpasalig sa mga evacuees nga sila ang makaboto paagi sa itukod nga makeshift polling precinct, kasubong man sa mga evacuees sang banwa sang La Castellana
Matapos diri, ang mga opisyal ang nagderetso sa Negros Occidental Provincial Capitol para sa MOA signing.
Sa speech ni Nepomuceno, ginpahayag sini nga ginakalipay nila nga makigpartner sa COMELEC sa magbug-at nga papel sang ahensya sa pagseguro nga madayun ang eleksyon sa Mayo 12.
Ini bangod sagrado ang boto kag ini ang kinamatarong sang tanan nga botante.
Panindugan ni Nepomuceno nga importante nga responsibilidad sang pumuluyo nga magpili sang mga public officials bangod ini ang basihan sa kun diin ang dereksyon sang pungsod.
Pasalig sini nga magabulig ang OCD sa pagseguro nga sa ano man nga kalamidad, kaangay sang paglupok sang Bulkan Kanlaon, indi ma-atrasar ukon mauntat ang eleksyon.
Pahayag sini nga ang MOA ang naga-apekto sa tion nga may mga kalamidad kadungan sa pagpatigayon sang eleksyon.
