Nagbisita man ang Commander-in-Chief sa Camp Leon Kilat sa Tanjay City kag nagpakighinun-anon sa mga tropa sang 302nd Infantry Brigade sang Philippine Army.
Suno sa Presidential Communications Office, ginkilala ni Marcos Jr. ang mga sakripisyo sang militar sa pagmintinar sang kalinong kag seguridad, kag sa ila pagsabat sa mga local nga pagpanghangkat.
Ginkilala sang Presidente ang mga pagpaninguha sang 302nd Infantry Brigade sa ila mga operasyon para sa internal security, pakig-angot sa mga lokal nga panguluhan kag iban pa nga security partners, kalakip na sa paghatag sang humanitarian assistance kag pagresponde sa mga kalamidad.
Gin-engganyo man sang president ang mga kasuldaduhan nga padayunon nga masanyugon ang ila civil-military operations, kapasidad sa pag-atubang sang mga problema sa seguridad, kag koordinasyon sa mga ahensya sang gobyerno kag lokal nga mga panguluhan.
Ginpasiguro man ni Marcos Jr. nga padayon ang suporta sang gobyerno sa Armed Forces of the Philippines.
Samtang, ginkalipay sang commander sang 3rd Infantry Division sang Philippine Army ang pagbisita sang Presidente.
Sa interview sang Bombo Radyo Bacolod kay Major General Joey Escanillas, ginbisitahan sang president ang kampo agud nga tsekyaron ang sitwasyon sang tropa sang gobyerno kag ang pasilidad.
Suno kay Escanillas, ginkalipay man sang mga suldado ang pagbisita sang presidente.
Suno diri, normal lang man ang pagbisita sang presidente bangud ginahimo niya gid man ini sa iban nga mga kampo sang military.
Suno 3rd ID commander sang Philippine Army nga ila lamang nga gin-update ang presidente sang sitwasyon kag sang tropa kun sa diin ang mga ini well provided man.
