Dismayado ang Comelec sa mga politiko nga may yara na sang mga advertisements paagi sa billboards, television commercials, kag newspaper antes paman ang campaign period.
Ginpahayag ni Comelec Chairman George Garcia, nga iya ginakasubo ang ini nga development kag wala sang layi karon ang pungsod para ma cover sa premature campaigning.
Ginpahayag ni Garcia, nga ang mga indibidwal nga may yara na sang advertisement ang mangin kandidato lamang sa una nga adlaw sang campaign period nga maga umpisa sa Pebrero 12 para sa national nga position samtang Marso 28 naman kon nagapapili sa lokal nga posisyon./
Gin-athag man ni Garcia, nga indi makakas sang Comelec ang mga advertisements.
Nagpangabay si Garcia sa mga politiko nga mag hinay-hinay lamang kag indi pag i-underestimate ang kaalam sang mga Pinoy.
