Nagapati si Atty Renecito Novero nga maconfrim ang charges batok kay former President Rodrigo Duterte kag may yara sang substantial evidence nga makit-an nga ginhimo sang akusado ang mga gina-akusar batok sa iya.
Sa interview sa anay konsehal sa ciudad sang Bacolod, kun mapamatud-an sang prosecution nga may mabug-at nga ebidensya batok kay Duterte, matapos ang 60 ka adlaw mahimo sang desisyon ang korte nga maproceed na sa trial sang kaso.
Suno diri, kun kulang ang ebidensya wala nagakahulogan nga idismiss ang charges apang mahimo nga may matabo nga revision ukon ammendment sa complaint.
Apang para kay Novero, ang delay sa hearing indi bentaha sa akusado bangod padayon ini magatinir sa sulod sang detention center.
Samtang, nagapati naman ang abogado nga matapos ang confirmation of charges sa Pebrero 27 liwat naman nga esturyahan ang isyu sang interim release kun ihatag ini sa akusado ukon indi.
