Nagpatigayon sang ceremonial launching sang fuel aid si Bacolod City Lone District Representative Alfredo “Albee” Benitez para sa 1,780 ka mga jeepney drivers.
Sa interview kay Benitez, P500 ang unod sang kada fuel card, kag ginahatagan sang tigduha ka card ang kada driver.
Ang mga card ang may QR Code kag ini ang mahimo ipresentar sa accredited fuel stations.
Paathag ni Benitez nga ginpaagi sini sa card ang fuel aid kag indi sa cash, agud maseguro nga sa gatong gid magakadto ang ayuda.
Apang sa karun, mga consolidated jeepney drivers pa lamang ang ila nahatagan.
Suno sa kongresista, ginpahimuan sii sadto sang ID system ang mga nagconsolidate sang siya ang alkalde pa.
Personal naman nga kwarta sang kongresista sa paghatag sang ayuda.
Pahayag ni Benitez, nga apisar ginahikutar na, madugay ang pag-abot sang ayuda gikan sa National Government.
Nagalaom ini nga ang P1,000 nga fuel aid ang makabulig-bulig samtang wala pa ang fuel subsidy gikan sa gobyerno.
Kun mapreparar na ang mga fuel cards, ini ang idul-ong sa mga terminals para sa mas mahapos nga distribution.
