Naghatag na sang stern kag final notice si Bacolod City Mayor Greg Gasataya sa contractor nga nagatukod sang Bacolod Masskara Coliseum nga ini ang matapos santo sa kontrata.
Nahibaluan nga ang proyekto ang ginsuguran sang 2019, nga may budget nga masobra P800 million paagi sa loan sa Development Bank of the Philippines.
Ang Bacolod Masskara Coliseum ang sarang maka-akumodar sang masobra 11,000 nga tawo.
Sa interview kay Mayor Greg, siya ang regular nga nagasapol sa Jejors Construction Corporation para sa update, kag sa karun yara na sa 74 percent ang completion sang proyekto.
Suno diri, sa iya nga pagpungko bilang alkalde sang Hunyo 30 nakaligad nga tuig, yara na sa 50 percent ang proyekto.
Naghatag na ini sang stern kag final notice nga nagapahanumdom sa contractor nga matapos ang proyekto nga indi maglapaw sa nakapagkit sa kontrata.
Ginalauman sini nga matapos na ang Bacolod Masskara Coliseum antes ang Oktubre.
Kun matapos antes ang Oktubre, ginalantaw nga ini ang mahimo magamit pa nga venue sa pila ka sporting events, concerts kag iban pa nga aktibidad sa Bacolod Masskara Festival 2026.
Apang kun indi mahingagaw, ini ang magamit naman sa iban pa nga mga dalagkuan nga events sa ciudad kaangay sa paghost sang Batang Pinoy 2026 sa Disyembre.
