Construction worker, nasapwan nga wala na sang kabuhi kag may mga pilas tuga sang pagpamuno sa Brgy Handumanan kaina sang kaagahon

Wala na sang kabuhi sang masapwan ang 24 anyos nga construction worker nga may-ara sang samad tuga sang pagpamuno sa Purok San Antonio Phase 6B, Barangay Handumanan kaina alas-12:36 sang kaagahon.

Ang biktima ang ginkilala nga si Edrick Jay Namol, 24 anyos, resident sang St. Ezekiel Moreno, Phase 3, Brgy Handumanan.

Suno sa Bacolod Police Station 10, gilayon sila nga nagresponder matapos nga may nagreport sang gina-alegar stabbing incident.

Pagdangat sa area, naabtan nila ang nagahamyangon nga lawas ni Namol nga wala na sang kabuhi.

Ini ang may samad tuga sang pagpamuno sang wala pa matumod nga patalom sa natuo nga dughan, likod kag sa ulo.

Sa karun, nagapadayun ang imbestigasyon sang Bacolod Police Station 10 sa krimen.