Dako ang ginnubo sa cime incidents sa Negros Occidental sang 2025 kun ipaanggid sang 2024.
Nagdangat sa 22.1 percent ang ginnubo sa 8-focus crimes nga nagpanaog sang 287 ka kaso gikan sa 1,299 cases sang 2024, nagpanaog sa 1,012 cases sang 2025.
Isa sa dako ang pagnubo amo ang Murder cases nga gikan sa P260 cases sang 2024, yara na lamang sa 209 cases ang narecord sang 2025, ukon may pagnubo nga 51 ka kaso.
Apang nagsaka naman ang kaso nga Homicide sang apat, matapos makarecord sang 84 ka kaso sang 2025 batok sa 80 ka kaso sang 2024.
Dako man ang ginpanaog sa kaso sang Physical Injury ga 123 na lamang gikan sa 201.
Nagpanaog man sang dako ang Rape cases nga yara na lamang sa 262 gikan sa record sang 2024 nga 340, ukon 78 ang ginnubo.
24 naman ang ginnubo sa Robbery cases nga 74 ka kaso na lamang subong nga tuig gikan sa 98 ka kaso sang 2024.
59 ang ginnubo sa Theft cases nga 223 na lamang subong nga 2025 gikan sa 282 sang 2024.
Tatlo naman ka kaso ang ginnubo sa Carnapping incident nga yara nalang sa 34 gikan sa anay 37 samtang nagsaka naman ang Motornapping incident matapos nga ang isa lamang ka kaso sang 2024, ang nangin tatlo ka kaso sang 2025.
Sa interview sang Bombo Radyo Bacolod kay Police Regional Office – Negros Island Region Spokesperson Police Lt Col Joem Malong, ang pagnubo sang kaso ang bangod sa mas ginpasangkad nga police visibility kag pagdamo sang patrollers.
Ini nagapakita man sang pagka-aktibo sang 911 hotline kag mandato sang Philippine National Police nga 5-minute response sa pagnubo sang kriminalidad sa probinsya.
