Patay ang criminology student nga nagasakay sa motorsiklo matapos nga aksidente nga makabunggo sa van sa bahin sang Brgy Dolis sa banwa sang Calatrava, Negros Occidental, Abril 27 sang hapon.
Ginkilala ang biktima nga si Ferdinand Dago-oc, 19-anyos, criminology student sa Central Philippine University, San Carlos City kag residente sang Brgy Ani-e, Calatrava.
Sa interview sang Bombo Radyo Bacolod kay Police Captain Jesus Alba, hepe sang Calatrava Municipal Police Station, santo sa imbestigasyon si Dago-oc ang naglikaw sa ginabulad nga humay sa dalan rason nga nadulaan ini sang control kag aksidente nga nakabunggo sa nasugata nga van nga ginamaneho ni Gerald Barcelo, 24-anyos residente sang Barangay Marcelo sa nasambit nga banwa.
Ang biktima ang nakaagom sang pilas sa dughan kag ulo matapos nga nabuka ang half face helmet.
Gindala pa sa hospital apang gindeklarar nga dead on arrival.
Nakaestoryahanay naman ang pamilya sang biktima kag driver sang van para sa kun ano man ang kasugtanan sa tunga sang mga ini.
Gindumilian naman sa karun ang pagbulad sang palay sa dalan.
