Daan apang malahalon nga bag ni Andi Eigenmann, ginhatag sang aktres sa iya subang nga si Ellie

Ginhatag sang anay aktres nga si Andi Eigenmann ang iya daan apang malahalon nga bag sa iya subang nga anak nga si Ellie.

Sa iya Instagram Stories, ginpahayag ni Andie nga may importante nga handumanan ang nasambit nga bag indi lang para sa iya kundi pati na sa iya nagtaliwan nga iloy nga si Jaclyn Jose.

Ang bag nga ginhatag ni Andi kay Ellie ang isa ka Balenciaga Motorcycle City Bag.

Santo sa official website sang luxury brand, nagabalor ang nasambit nga bag sang ginabanta $3,400 ukon masobra sa P192,000.

Suno kay Andi, ang bag ang labing una nga luxury bag nga iya nabakal sa iya famous nga teleserye sadtong 2010 nga Agua Bendita.

Si Ellie ang anak ni Andi sa iya anay nobyo nga si Jake Ejercito.