Ginpahayag sang mga eksperto nga wala sang dapat nga kabalak-an sa pagdamo sang mga damang sa eastern seaboard sang United States apisar nga ini ang may kadakuon nga kaangay sang kamot sang tawo.
Ang mga babayi nga Joro spiders may kapabilidad nga magdako tubtob sa walo ka pulgada samtang ang mga lalaki naman ang nagadako kapin sa apat ka pulgada.
Apang, apisar nga makaalarma kun tulokon, suno kay Daniel Kronauer sang Rockefeller University, ang ini nga klase sang damang indi delikado kag indi agresibo.
Ang ini nga species orihinal nga makit-an sa East Asia kun sa diin ang pangalan sini ang nagikan sa Japanese lore nga ang mythical creature nga si Jorogumo nga may sarang nga maka-trap sang tawo gamit ang iya lawa.
Suno kay Kronauer, ang paglapta sang Joro spiders ang posible bangod nga naga-upod ini sa mga tawo ukon mga butang, kaangay na lamang sa mga nagabyahe sa barko.
Dugang pa sang eksperto sila makabulig sa pagdakop sa mga lamok kag iban pa.
Kag sa karun, may yara sang tsansa nga ang ini nga mga damang ang makit-an man sa New York sa summer season.
