Tatlo ka mga petsa sa bulan sang Setyembre ang ginpropose ni former President Donald Trump para sa debate batok kay Vice President Kamala Harris para sa nagahilapit nga US Presidential Elections.
Nangin blockbuster ang pagsulod ni Harris bilang nominee sang Democrats kun sa diin nakaraise ini sang dalagko nga suporta lunsay sa pinansyal kag mga volunteers.
Ginaduso sa karun ni Trump ang mga petsa nga Setyembre 4, 10 kag 25 para sa ila debate sa mga television networks sang iya bag-o nga kasumpong.
Nagsabat naman si Harris nga ginalauman sini ang pag-atubang kay Trump sa ABC News sa Setyembre 10, nga una na nga naschedule antes temporaryo nga nagback out si Trump.
Wala naman nakapagwa sang pahayag sa Harris natuhoy sa nabilin nga duha ka proposed nga petsa kun sa diin ang Setyembre 4 ang patigayunon sa Fox News nga pabor kay Trump kag ang Setyembre 25 naman sa NBC News.
