Ginpahayag ni US Vice President Kamala Harris nga makaduha ka beses ini nga magadebate kay Republican viral Donald Trump.
Nagkasugot na ang duha ka kampo sa isa ka presidential debate sa Setyembre 10 kag vice-presidential face-off sa Oktubre 1, apang ginaduso sang kampo ni Trump ang duha ka dugang nga mga presidential debates sa Setyembre kag isa ka extra VP encounter.
Suno kay Harris, ang debate natuhoy sa mga debate ang natapos na.
Suno diri, ginbaton na sang kampo ni Trump ang proposal nila nga tatlo ka mga debate nga ginalakipan sang duha ka mga presidential kag isa ka vice presidential debate.
Suno sa iya, kun magpakita si Trump sa Setyembre 10 kag madayon ang debate nanday Tim Walz kag J.D. Vance sa Oktubre 1, may isa pa gid ka debate nga patigayunon sa tunga nanday Trump kah Harris sa bulan sang Oktubre.
