Nag-release sang cease-and-desist order ang Department of Environment and Natural Resources (DENR) Central Visayas batok sa Prime Integrated Waste Solutions, Inc. (PWS) nga operator sang natiphag nga landfill sa Barangay Binaliw, Cebu City nga nagresulta sa kamatayon sang pila ka indibidwal.
Sa isa ka statement, ginpahayag sang regional DENR nga untaton ang tanan nga operasyon magluwas sa rescue, retrieval kag clean-up activities.
Ginpatawag man ang management para sa isa ka technical conference kag ginapapasa sang compliance plan sa sulod sang 90 ka adlaw.
Sa karun, walo ka mga tawo ang kumpirmado nga napatay samtang 28 ka iban pa ang ginapangita kasunod sang landslide sang Enero 8.
Ini ang ginpahayag ni Cebu City Mayor Nestor Archival.
Suno sa DENR Central Visayas nga magapatigayon sila sang imbestigasyon agud matumod ang rason sang trahedya kag mapasabat ang dapat manabat.
