Nagapanawagan sang voluntary evacuation ang Department of Environment and Natural Resources – Negros Island Region (DENR-NIR) sa mga residente nga nagapuyo sa sulod sang strict protection zone sang Mt. Kanlaon Natural Park (MKNP) kasunod sang makahalalit nga flashfloods kag landslides tuga sang Bagyong “Tino” sang Nobyembre 4.
Sa interview sang Bombo Radyo Bacolod kay DENR-NIR Regional Executive Director Charlie Fabre, natumod nila nga may yara sang 132 ka pamilya ang nagapuyo sa protected area sang nasambit nga Bulkan.
Suno kay Fabre, napadal-an naman sang mga ini mga sulat ang mga apektado nga panimalay sa pagrequest nga maghalin na sa lugar bilang kabahin sang government mitigation efforts.
Suno diri ang tikang ang may katuyuan nga malikawan na ang liwat nga pagdihon sang mga agricultural activities sa sulod sang protected zone kag pahanugutan ang duta nga magbalik sa natural forest conditions.
Ginpaandaman man sini ang mga residente nga nagapakatig-a nga maghalin nga magapangatubang sang kaso nga illegal occupation sa protected area, ang paglapas sa idalom sang environmental laws.
Samtang nagcoordinate man ang mga ini sa Canlaon City government kag ang DENR ang magapatuman sang dugang nga mitigation measures nga ginalakipan sang pag-establisyar sang easement zone agud nga malimitahan ang pagpatindog sang mga structures agud nga mabuhinan ang risgo sa tion nga magdamol ang pag-ulan ukon sa future volcanic-related hazards.
