Ginpahayag sang Department of Education ang plano sini nga magrecruit sang halos 33,000 nga mga bag-o nga Teacher 1 agud mabuhinan ang pagginutok sa mga buluthuan kag mapaayo ang kalidad sang pagtudlo sa Grade 1.
Suno kay Education Secretary Sonny Angara, makabulig ini agud mapamag-an ang trabaho sa karun sang mga manunudlo kag mapakusog ang kalidad sang edukasyon sa pungsod.
Magluwas diri, magabukas man ang DepEd sang 6,000 School Principal 1 kag 10,000 nga mga School Counselor Associate 1 position bilang response sa kakulang sang mga heads sa mga public schools sa tunga sang pagsaka sang mga issues sa mental health sang mga estudyante.
Plano man sang ahensya nga magdeploy sang 20,000 ka bag-o nga mga manunudlo lakip na ang masobra 33,000 nga bakante nga position.
