Naghatag sang pahanumdom ang Department of Education-Negros Occidental sa mga atleta nga magahampang sa Negros Island Region Athletics Association (NIRAA) meet 2026.
Sa interview sang Bombo Radyo Bacolod kay Ian Arnold Arnaez, spokesperson sang DepEd-Negros Occidental, ginpanginbulahan sini ang tanan nga nagdalalaog nga mga atleta nga naghampang sa Negros Occidental Provincial Meet 2026.
Suno kay Arnaez, nagapahanumdom ang Deped-Negros Occidental sa maabot nga regional meet dapat magpreparar dugang bangud ang atubangon sang mga ini ang mga atleta gikan sa nagkalain-lain nga probinsya sa Negros Island Region.
Suno diri, kinahanglan man nga magpreparar ang mga atleta bangud madamo sila sang makasumpong nga mabakod nga mga atleta sa rehiyon.
Dugang pa sini nga madaog man ukon mapierde dapat lantawon ang regional meet nga lugar kun sa diin sila ang makaangkon sang dugang nga mga abyan kag makapangilala man sang iban nga atleta.
Ang Negros Island Region Athletics Association (NIRAA) meet ang patigayunon sa bulan sang Pebrero 2026 sa Bacolod City./
