Ginatarget sang Department of Public Works and Highways (DPWH) nga suguran sa first quarter sang 2023 ang detailed engineering design (DED) activities sang madugay na nga dream project sang mga pumuluyo sa Western Visayas.
Sa report ni DPWH Secretary Manuel M. Bonoan, Senior Undersecretary Emil K. Sadain, ginpahayag nga nagpagwa ang Department of Finance (DOF) sang October 24, 2022 evidence of authority para sa engineering services sang Panay-Guimaras-Negros Island Bridges para mapatuman ang loan agreement.
Ang pagbakal sang consulting services para sa DED kag paghatag sang bulig kasubong man sa pagpasa sang receipt of bidding documents nga natalana sa December 2022.
Ang 32.47-kilometer Panay-Guimaras-Negros Island Bridges Project, ang ginabug-usan sang duha ka sea-crossing bridges nga magakonekto sa Panay Island, Guimaras Island kag Negros Island sa Rehiyon 6, ang dako kag complex nga proyekto nga nagakinahanglan sang comprehensive kag high-standard engineering works nga nagikan sa mga consultants nga may extensive experience sa long-span bridges, nga magabulig sa DPWH nga nagapreparar para sa construction nga efficient kag timely manner.
Suno kay Senior Undersecretary Sadain, ang scope sang engineering services ang ginalakipan sang preliminary design para sa feasibility study kag preliminary and basic design; detailed engineering design kalakip na ang estimation sang detailed construction cost; kag procurement assistance.
Si Senior Undersecretary Sadain kaupod sanday Pulupandan, Negros Occidental Mayor Miguel Antonio C. Peña kag lima ka DPWH Unified Project Management Office (UPMO) Project Directors nga sanday Benjamin A. Bautista, Sharif Madsmo H. Hasim, Ramon A. Arriola III, Rodrigo I. Delos Reyes, kag Soledad R. Florencio ang nagpatigayon sang on-ground assessment sang November 10, 2022 sa proposed location sang road approach sa bahin sang Negros Island. Gin-aprubahan sang Infrastructure Development Committee of the Regional Development Council (RDC) 6 ang Guimaras-Negros linkage ukon Section B sang project para sa endorsement sa RDC 6 sa tion sang 3rd Quarter Reorganizational Meeting nga ginpatigayon sang September 14, 2022.
Ang proyekto ang fully endorsed na kag gin-aprubahan sang committee sa tion sang RDC 6 Full Council Third Quarter Meeting nga ginpatigayon sang October 13, 2022.
Ang linkage sa tunga sang Guimaras-Negros ang pagabug-usan sang sea-crossing bridge nga kalabaon nga 13.11 kilometers, road approaches nga may kalabaon 5.49 kilometers kag road connectors nga nagdangat sa 0.87 kilometers kag may kabug-usan nga kalabaon nga 19.47 kilometers.
Sa pihak nga bahin, sa tunga sang Panay-Guimaras ukon Section A ang pagabug-usan sang sea-crossing bridge nga ginabanta nga may kalabaon nga 4.97 kilometers kag road approach nga ginabanta nga may kalabaon nga 8.03 kilometers ang kabug-usan nga may kabug-usan nga takos nga 13.00 kilometers.
Subong nga tuig, nakakuha ang gobyerno sang Pilipinas sang 56.6 Million Dollars nga loans gikan sa gobyerno sang Republic of Korea para sa engineering services sang PGN Island Bridges.
Ang ceremonial exchange sang ginpirmahan nga loan agreement para sa engineering services sang PGN Island Bridges ang ginpatigayon sang May 2022 sa tunga sang DOF kaf Export Import Bank of Korea (KEXIM).
Santo sa loan guidelines, ang KEXIM-Economic Development Cooperation Fund (EDCF) ang nagpagwa sang September sang notice of concurrence sa shortlist sang consultants para sa DED.
Sa tion nga mahuman ang interlink bridges, mapanubuan ang travel time sang commuters kag motorist kag transport sang goods nagikan sa Panay padulong sa Negros Islands kumparar sa magsakay sa ferries ukon RORO vessels.
