Ginmando ni President Ferdinand Marcos Jr. sa Department of Foreign Affairs (DFA) nga makighinun-anon sa pungsod Iran agud masiguro ang luwas nga paglabay sang mga barko nga may dala nga suplay padulong sa Pilipinas.
Suno kay Palace Press Officer Undersecretary Claire Castro, nagmando na ang presidente kay DFA Secretary Theresa Lazaro nga magpakig-angot sa ambassador sang Iran.
Ginalauman nga mapatigayon ang pagpakighinu-anon sini nga semana ukon sa masunod nga semana.
Ginpahayag man ni Castro nga ang nasambit nga tikang ang sabat sa panawagan ni Senator Sherwin Gatchalian nga magpatigayon sang ‘high-level discussions’ ang ehekutibo agud masiguro ang ‘safe passage’ sang mga barko sa Strait of Hormuz sa tunga sang tensyon sa Middle East.
Tinutuyo sang direktiba sang presidente nga malikawan ang anuman nga aberya sa lakat sang suplay sang enerhiya kag balaklon sang pungsod samtang nagapadayon ang kinagamo sa nasambit nga rehiyon.
Ginsiguro naman sang Palasyo nga maayo ang relasyon sang Pilipinas kag Iran.
![Pinterest](https://pinterest.com/pin/create/button/?url=https://bacolod.bomboradyo.com/dfa-ginmanduan-ni-president-bongbong-marcos-nga-maghinun-anon-sa-iran-para-sa-safe-passage-sang-barko-sa-strait-of-hormuz/&media=https://img.bomboradyo.com/bacolod/2026/04/DFA-TO-IRAN-RE-SAFE-PASSAGE.webp&description=DFA, ginmanduan ni President Bongbong Marcos nga maghinun-anon sa Iran para sa "safe passage" sang barko sa Strait of Hormuz){kind=link}