DFA, nagapanawagan sa pamilya sang OFWs sa Lebanon nga kumbinsihon ang mga ini nga magpauli

Ginapanawagan sang Department of Foreign Affairs ang pamilya sang mga Filipino sa Lebanon nga kumbinsihon ang ila mga pinalangga sa kabuhi nga magvolunteer para sa repatriation samtang nagapadayon ang pag-escalate sang tension sa Middle Eastern country.

Suno kay Department of Foreign Affairs Assistant Secretary Robert Ferrer, dapat nga tawgan sang mga himata ang ila mga pamilya nga OFW sa Lebanon kag piliton nga magpauli bangud mangin dako ini bulig agud sila ang mapabalik sa pungsod.

Nagpagwa man sang separado nga panawagan ang Department of Migrant Workers nga nagarenew sang apelasyon para sa mga OFWs sa Lebanon nga mag-evacuate sa pungsod matapos ang nagasaka nga tensyon sa tunga sang Israeli forces kag Hezbollah.