DAW MAANO GID ANG GOBYERNO NGA INI ANG IPATUMAN
DULAON NA SA DALAN ANG JEEP NGA DUMAAN
NAGGWA ANG MODERNIZED JEEP NGA ITSURA DAW BUS MAN
LTFRB NAGAPATUMAN SANG PUV MODERNIZATION PROGRAM.
PROGRAMA INI NGA SANG MGA OPERATOR GINPAMATUKAN
TUMAN ABI KA MAHAL ANG BUS NGA IILIS SA JEEP NGA DAAN
KOOPERATIBA ANG ILA PA NGA UPDAN
PAAGI SA BANGKO, GOBYERNO SA ILA MAGAPAUTANG.
SUBONG MAY MGA BUS NA NGA AIRCON NGA MASAKYAN
MGA PASAHERO NALIPAY, KATUGNAW MABATYAGAN
MAS MAHAL LANG UGALING ANG PLETEHAN
SANGSA DUMAAN NGA JEEP NGA KAGANG-KAGANG.
UGALING KUN MANAMI ANG IYA KA PASAHERO NGA NABATYAGAN
MADAMO NGA OPERATORS NAGAKONSOMISYON NAMAN
ILA KOOPERATIBA ABI ANG SULUMPAAN
SILA-SILA MAN LANG APANG INDI MAHANGPAN.
SA DIIN GID BALA KUTOB ANG PUV MODERNIZATION PROGRAM
KALIDAD SANG MGA BUS, INDI MAN MASALIGAN
PILA LANG KA TUIG, LUMPIGA NAMAN
GUBA NA, UTANG SA BANGKO WALA PA NAIMPASAN.
IDUGANG MO PA ANG KOOPERATIBA NGA GINSUDLAN
INDI MAN MAGDUGAY KUN INDI HUSTO ANG PAGDUMALAHAN
SA INTERES SANG KADA ISA, RESULTA KAPUTUHAN
OPERATOR NGA NAGBALIGYA SANG DAAN NGA JEEP, NAWAD-AN PALANGABUHIAN.
