Diocese of Bacolod, may pila ka programa kadungan sang selebrasyon sang 500th anniversary sang Kristyanismo sa Pilipinas

May pila ka programa ang Diocese of Bacolod kadungan sang selebrasyon sang ika-500 nga anibersaryo sang Kristiyanismo sa pungsod Pilipinas subong nga tuig.

Suno kay Msgr. Felix Pasquin sang Our Lady of Candles Parish, dako sang selebrasyon sang Pilipinas bangud sa 5^th centenary celebrations sang Kristiyanismo sa pungsod nga nag-abot sang tuig 1521 sang ang renowned Portuguese explorer nag si Ferdinand Magellan ang nagtapak sa probinsya sang Cebu.

Ang Kristiyanismo nga gintanom ni Magellan ang namuhi, nagpamunga kag naglapnag sa bilog nga pungsod gani kalabanan sang mga Pilipino ang mga Kristiyano.

Mismo si Pope Francis ang magapanguna sa pagdumdom sang 500^th anniversary sang Kristiyanismo sa Pilipinas paagi sa misa nga patigayunon sa Vatican bwas nga adlaw.

Suno kay Pasquin, “GIFTED TO GIVE” ang tema subong nga tuig.

Ang mga Kristiyano suno sa pari ang may obligasyon nga magpaambit sa nagakinahanglan kag magpalapnag sang paghigugma.

Diri sa Bacolod, may programa na nga ginplastar si Bishop Patricio Buzon kada bulan angot sa 5^th centenary celebrations.

Ini ang ginalakipan sang pagtalana sang San Sebastian Cathedral bilang pilgrimage site kun sa diin ang magaduaw ang magabaton sang indolencia plenaria.

Ginatarget man nga makatanom sang 500 ka puno sang kahoy subong nga tuig kag maka-organize sang 500 ka bag-o nga katekista sa bilog nga diocese.