Iran, nagpaandam nga wala sang mahuman nga kasugtanan sa pag-untat sang gyera kun padayun ang pag-atake sang Israel sa Lebanon

Nagpaandam ang Iran nga mahimo ma-delay ukon indi na gid makalab-ot sa isa ka deal sa Amerika matapos ang nagabaskog nga opensiba sang Israel sa Lebanon kag padayon nga operasyon sini sa Gaza.

Liwat nga ginpaathag sang Iranian Foreign Minister Abbas Araghchi, nga ang mga pag-atake sang Israel sa Lebanon kag ang padayon nga opresyon sang Estados Unidos batok sa Iran amo isa ka paglapas sa ceasefire deal.

Sa pihak nga bahin, nagtuga sang mabug-at nga trapiko bangud sa pagbakwit sang mga residente sang Beirut sa mando sang Israel nga magalunsyar sang mga pag-atake sa Dahiyeh, nga isa ka kuta sang Hezbollah.