Wala naglisa ang Diocese of Bacolod sa kinaandan nga pagbutang sang abo sa agtang sang mga tumuluo sini nga Ash Wednesday apisar sang pamahog sang coronavirus disease ukon Covid-19.
Sa misa kaina sang aga sa San Sebastian Cathedral, nagpadayon lamang ang mga pari sa tradisyon nga sa agtang gid ginapahid ang abo kag wala ginbudbod lang sa ulo sang mga tumuluo kaangay sa ginhimo sa Baclaran Church sa Parañaque City.
Madumduman nga sang nagligad nga adlaw, ginhaylo sang Catholic Bishops’ Conference of the Philippines ang mga lider sang simbahan nga ibudbod na lang ang dry ash sa mga tumuluo sa baylo nga markahan ang ila mga agtang bangud sang pamahog sang coronavirus.
Ang Ash Wednesday ang isa ka holy day sang pagpangamuyo kag pagpuasa sa mga Katoliko.
Ini man ang panugod sang Lenten Season.
