Nagapangayo sang pag-intsindi ang festival director sang Masskara Festival kasunod sang ginapatuman nga mga road closures bilang preparasyon sa highlights sang Masskara Festival.
Sa interview sang Bombo Radyo Bacolod kay Atty. Pinky Mirano, may yara sang ginapatuman nga partial road closures sa dalan Lacson kun sa diin ginbutangan sang mga stages nga patigayunan sang mga activities sa highlight festival.
Suno kay Mirano ang road closure ang ginabuksan man kun aga kag ang full road closure ang naga-umpisa sa alas 3:00 sa hapon tubtob alas 5:00 sang kaagahon sa masunod nga adlaw.
Samtang, ginpahayag man ni Mirano nga indi magpadulong ang first lady sa coronation night sang Miss Bacolod Masskara apang mapadulong ang First Family sa pag-upod sa selebrasyon sang Masskara Festival subong nga tuig.
Apang wala pa sang official communication kun san-o magapadulong ang mga ini sa syudad apisar sini ginapreparahan na sang syudad ang pag-abot sang mga ini.
Ginalauman nga mag-abot ang presidente, tiayon sini kag ang duha nila ka mga anak nga sanday Ilocos First District Representative Sandro Marcos Jr. kag si Vinny Marcos.
