Tuman ka gamay ang tsansa nga mapatay ang isa ka tawo bangud sang 2019 novel coronavirus acute respiratory disease (NCOV-ARD).
Ini ang ginhatagan pagtamod sang pinuno sang Infectious Diseases Section sang Department of Health Region 6 nga si Dr. Mary Jane Juanico.
Suno kay Dr. Juanico, 2 porsyento lamang ang mortality rate sang NCOV-ARD ukon ang tsansa sang isa ka tawo nga mapatay bangud sang virus.
Suno diri, ang kadamuan sang mga nagkalamatay sa China ang may yara na daan sang mga balatian kag ang mga tigulang.
Suno pa sa doktor, mas “high risk” sa virus ang mga kabataan kag mga may edad na.
Sa karun may yara sang narekord nga 8 ka person’s under investigation (PUIs) sa Western Visayas bangud sang NCOV-ARD kag lima sa mga ini ang na-discharge na sa mga hospitals
Ang duha ang na-admit sa Iloilo kag isa naman sa Aklan apang ila pa gina-tsekyar ang kaso diri sa Negros Occidental.
Suno kay Juanico, ginatsekyar pa nila ang datos sang mga PUI’s diri sa Negros Occidental.
