Ginpahayag ni Justice Secretary Jesus Crispin Remulla nga gina-imbestigahan sa karun sang Department of Justice (DOJ) ang mga claims nga si dismissed Bamban, Tarlac Mayor Alice Guo ang naga-offer sang cash sa baylo sang bulig.
Suno kay Remulla, madugay na nga gina-imbestigahan sang DOJ ang mga alegasyon ni former Senator Panfilo Lacson.
Gintawag naman sang legal counsel ni Guo nga si Atty. Stephen David ang imbestigasyon nga “very welcome” agud suno diri, mahibaluan ang kamatuoran.
Suno kay Remulla, nagapati ini nga binilyon nga balor sang kwarta ang gingamit agud mabuligan si Guo.
Wala lamang ini sang ideya kun diin ini nagahalin.
Sa isa ka radio interview, una na nga ginpahayag ni Lacson nga may yara ini sang isa ka Filipino-Chinese nga abyan nga ginaalegar gintanyagan ni Guo sang P1 billion bangud ang nasambit nga negosyante ang may connections sa circle sang first family.
