Ginpakigbahin sang actor kag model nga si Dominic Roque kun paano nag-umpisa ang relationship nila sang actress nga si Sue Ramirez.
Suno sa aktor, madugay na sila nga mag-abyan ni Sue apang indi man gid sila masami nga mag-upod kag kun kaisa nagakamustahanay lang.
Suno pa diri, indi man ini love at first sight sa tunga nila ni Sue bangod madugay na sila nga mag-abyan humalin pa sang tuig 2013 pa lamang.
Apisar nga wala man sila nangin couple gilayon kag sila ang nakaligad lang nga naghalin sa controversial breakups kun sa diin si Dominic may relasyon sadto sa aktres nga si Bea Alonzo kag si Sue may relasyon man sadto kay Negros Occidental 3rd District Representative Javi Benitez.
Naghatag naman sang assurance si Dominic nga sa karun, in a happy relationship sila ni Sue kag ila gina-enjoy ang ila time kaupod ang ila mga abyan kag pamilya.
