Gintawag ni Vice President Kamala Harris nga mentally unbalanced si Donald Trump kag gintawag ang pagdayaw sini kay Adolf Hitler nga tuman ka delikado.
Sagwa sang iya puluy-an sa Washington, nagpagwa sang mga statements si Harris matapos ginpakigbahin sang anay presidential chief of staff ni Trump nga si retired Marine general John Kelly, nga ginadayaw kag gina-admire sang anay Presidente ang Nazi dictator kag ang iya militar sang World War II.
Suno kay Harris, tuman ka makahalangawa kag delikado nga iga-invoke ni Trump si Adolf Hitler, ang persona nga responsable sa kamatayon sang anum ka million nga Jews kag linibo nga mga Americas.
Suno sa iya, ini ang ebidensya para sa mga pumuluyo sang America kun sin-o gid si Donald Trump..
Suno naman kay Kelly, ginpahayag ni Trump nga may maayo man nga hinimuan si Hitler kag imbes nga US military, luyag sini ang mga heneral kaangay sang may yara si Hitler.
