Menor de edad patay matapos aksidente nga matiruhan sang pakaisa sa Don Salvador Benedicto, Neg Occ

Patay ang tatlo ka tuig nga bata matapos aksidente nga matiruhan sang duha ka tuig nga pakaisa sini sa Purok Mangga, Barangay Bunga, Don Salvador Benedicto, Negros Occidental sang Hwebes sang hapon, Marso 19, 2026.

Sa imberstigasyon sang Don Salvador Police Station, may nakita ang duha ka mga bata nga armas luthang sagwa sang balay sang biktim kag gindumdom sang mga ini nga hampanganan lamang ini.

Gindala sang duha ka mga bata ang armas-luthang sa kwarto sang tatlo ka tuig nga biktima.

Ginhampangan kag aksidente nga napitik sang duha ka tuig nga bata ang gatilyo sang armas-luthang kag natiruhan ang pakaisa sini.

Ang biktima ang nakaagom sang pilas sa dughan kag gindala pa sa ospital apang gindeklarar nga dead on arrival.