Nagdangat na sa masobra 230 ka mga barangay sa Negros Occidental ang nadeklarar nga drug cleared sang Philippine Drug Enforcement Agency matapos madugangan sang 12 ka mga barangay nga nakapasar sa Regional Oversight Committee Deliberation sang Miyerkules.
Sa interview sang Bombo Radyo kay PDEA-6 Spokesperson Graziella Tanaleon, ginpahayag sini nga nagdangat na sa masobra 230 ang mga drug cleared barangay sa Negros Occidental out of 601 ka mga kabarangayan sa probinsya.
Suno kay Tanaleaon, 29 ka mga barangay sa probinsya ang nag-apply para sa drug clearing sang Miyerkules apang 12 lang ang nakapasar.
Wala naman nakapasa ang ciudad sang Bacolod sini nga bulan gani sa 61 ka mga kabarangayan, 12 pa lang ang drug cleared.
Aminado ini nga dako nga pagpanghangkat ang pandemic sa pagpatigayon sang anti-drug operations sa area kag ang mga drug surrenderees nga kinahanglan nga magpaidalum sa community based rehabilitation program.
Apang nagalaom si Tanaleaon nga sa bulan sang Marso, madugangan ang mga barangay nga madrug cleared sa probinsya kag ciudad.
