Gin-anunsyar ni Department of Tourism Secretary Bernadette Romulo Puyat nga magabaton sang tag P5,000 nga cash assistance ang mga empleyado nga naapektuhan sang COVID pandemic sa sektor sang turismo.
Sa interview sang Bombo Radyo kay Puyat, ginapahayg sini nga nagpain ang gobyerno sang P3 billion nga pondo para sa mga kwalipikado nga tourism workers nga naapektuhan sang pandemic.
Suno sa iya, may gin-employ ang DOT nga 5.7 million ka mga trabahante kag sa nasambit nga numero, 600,000 diri ang makabation sang benepisyo.
Suno diri, ang mga benepisyaryo ang dapat napaidalum sa DOT-accredited kag LGU licensed enterprises.
Gindugang man sini nga sarang man nga maka-avail ang mga empleyado nga nakabaton na sang subsidy assistance sa Department of Labor and Employment kag Social Security System.
Aminado man ini nga madamo na sa karun nga mga pumuluyo ang luyag nga magbyahe kag sa ila una nga survey, nagwa nga 77% ang handa nga magtravel apisar nga wala pa sang COVID vaccine.
Suno sa DOT secretary, sa Hunyo posible amat-amat na nga magabukas ang tourismo apang hugot gihapon nga igaimplementer ang mga health kag safety protocols.
