May mga pagabayaran nga multa ang driver sang modernized jeepney nga ginreklamo bangod sa tuman ka overloaded nga pasahero.
Sa interview sang Bombo Radyo Bacolod kay LTO Negros Island Region Director Jeck Conlu, sa inisyal nila nga assessment, ang driver ang may duha ka violation nga ginalakipan sang reckless driving kag excess passenger ukon overloading.
P1,000 ang multa para sa overloading samtang P2,000 naman ang sa reckless driving.
Gindagdagan na sang show cause order ang duha subong nga adlaw.
Sa pagbatun sang show cause order, automatic naman nga epektibo ang 90 days suspension sang lisensya sang driver.
Suno kay Conlu, sa pagdakop sang mga traffic violators wala na ginakuha ang driver’s license, apang ginkumpiskar nila ang iya sang driver sang modernize jeep bangod siya ang suspendido.
Ini ang ginahatagan sang 5-working days sa pagsabat, kag nakadepende diri kung tapuson ang 90 days suspension, dugangan ukon pauntaton sang temprano.
Pahayag sini nga ang sa bahin sang franchise violation nga mahimo nakumiter sang operator, ang salabton naman nila sa Land Transportation Franchising and Regulatory Board.
Samtang ang konduktor ang tumuron naman kun nakalabay sa two-days seminar sang LTO sa idalom sang driver’s education center.
Matapos sini sila ang ginahatagan sang Conductor’s license.
Kun ini ang may lisensya, mahimo marevoke ang iya conductor’s license, kag kun wala, siya ang mahimo ma-blacklist sa pagkuha sang lisensya.
